आज दिनांक

शनिवार 24 ऑक्टोबर रोजी वर्तमानपत्रात एक बातमी झळकली, आणि हजारो एसटीबसप्रेमींच्या मनाची कालवाकालव झाली  बातमी होती एसटी महामंडळाला गेल्या महिन्यात दिवसाला पाच कोटी तोटा होत असल्याची. बातमीत सांगण्यात आले होते की महिलांना एन एम सी सी कार्ड सक्तीचे केल्यामुळे महिलांची प्रवासी संख्या मोठ्या प्रमाणात घट झाली आहे परिणामी एसटी महामंडळाला दिवसाला पाच कोटी तोटा होत आहे.  मी एसटी महामंडळातल्या बसचा नियमित प्रवासी आहे. एसटी महामंडळाच्या आवडीचे प्रवास या योजनेचा फायदा घेत आपल्या महाराष्ट्रातील चंद्रपूर गडचिरोली भंडारा गोंदिया या चार जिल्ह्यांचा अपवाद वगळता आपल्या महाराष्ट्रातील प्रत्येक तालुक्यात तसेच राज्या बाहेर सुरत आमदाबाद वापी इंदोर पणजी बेंगळुरु, बेळगाव  आदी ठिकाणी फिरलो  आहे. महामंडळाच्या प्रवाशांचे जे सोशल मीडियावर विविध ग्रुप असतात त्याच्या देखील मी  सदस्य आहे. या ग्रुप द्वारे मी जरी एसटी महामंडळाच्या कर्मचारी नसलो तरी एसटी बसेस विषयीच्या सर्व बातम्या घडामोडी मला समजतात. महामंडळाच्या सर्व सोशल मीडिया प्लॅटफॉर्मला मी नियमित पणे फॉलो करतो तसेच महामंडळाविष...

मा प्रताप सरनाईकजी  परिवहन मंत्री,  महाराष्ट्र राज्य यांच्या सेवेसी सप्रेम जय महाराष्ट्र  विषय : वस्तुस्थिती जाणून निर्णय लागू करणे बाबत  साहेब, सध्या आपण एसटीला अधिक लोकाभिमुख करण्यासाठी अत्यंत धाडसी निर्णयांचा सपाटा लावलेला आहे त्याबद्दल सर्वप्रथम आपले मनःपूर्वक धन्यवाद. आदिवासी पाड्यातील शेवटचा घटकापर्यंत एसटी बस सुरू करण्यात यावी यासाठी आपण करत असलेले कष्ट तसेच एसटी महामंडळाला आर्थिक दृष्ट्या संपन्न करण्यासाठी आपण योजत असलेले तसेच एसटीकडे विविध घटकातील नागरिक आकृष्ट व्हावे यासाठी आपण करत असणारे निर्णय खरोखरच प्रशंसणीय आहेत. आपल्या रूपाने एसटी महामंडळाला अनेक वर्षांनी एक कार्यक्षम मंत्री मिळालेला आहे हे आमचे सौभाग्यच.  याच धडाधडीच्या निर्णयाचा सपाटा लावताना, आपण वार गुरुवार दिनांक 22 ऑक्टोबर रोजी एसटी महामंडळाच्या परिसर स्वच्छ असावा, यासाठी एक निर्णय जाहीर केला तो म्हणजे, जर एसटी बस स्थानक अस्वच्छ असल्यास थेट विभाग प्रमुखांना जबाबदार धरण्याचा. साहेब एसटी महामंडळाच्या आवडेल तिथे प्रवास या योजनेचा फायदा घेत मी आपल्या महाराष्ट्रातील चंद्रपूर, गडचिरोल...

सध्या आपल्या भारतीय रेल्वेत  प्रवाशांची सोय लक्षात घेत अनेक महत्त्वपूर्ण बदल होत आहेत. जसे की, अमृत भारत, वंदे भारत यासारख्या  अत्याधुनिक सोयींनी परिपूर्ण रेल्वे गाड्या सुरू करण्याबरोबरच, सध्या असणाऱ्या गाड्यांमधील प्रवास सुद्धा आनंदायी हवा यासाठी काय करायला, हवे? आणि काय टाळायला, हवे? याचा विचार करत सध्या रेल्वेमध्ये  रिझर्वेशन प्रणाली मध्ये बदल करणे, रेल्वे संबंधित विविध गुन्ह्यांचे स्वरूप त्यातील शिक्षेचे प्रमाण बदलणे असे बदल होत आहेत. तर वाचक मित्र-मैत्रिणींनो, आपल्या भारतीय रेल्वेने काहीच दिवसापूर्वी याच मालिकेतील एक उत्तम बदल केला तो म्हणजे रेल्वेत   विनाकारण आवाज करणाऱ्यांवर आर्थिक दंडाचा दांडूका उगारणे तसेच या दांडुक्यांच्या परिणाम न होणाऱ्यांना सरळ कारावसाची शिक्षा देण्याचा निर्णय जाहीर करणे. रेल्वेने जाहीर केलेल्या या निर्णयानुसार, विनाकारण मोठ्या प्रमाणात आवाज करणाऱ्यांवर एक हजार रुपयांचा दंड आकारण्यात येणार आहे. तसेच हा दंड आकारून सुद्धा व्यक्ती शांत न बसल्यास , त्यास तब्बल पाच रुपयाचा दंड आणि सहा महिन्याची तुरुंगवासाची शिक्षा...

वार गुरुवार 15 ऑक्टोबर रोजी आपल्या महाराष्ट्र राज्य एसटी महामंडळाच्या बाबत दोन बातम्या प्रसिद्ध झाल्या. त्यातील एक होती यंदाचा दिवाळीच्या सुट्टीच्या हंगामात आपल्या महामंडळाच्या बसचे भाडे न वाढवण्याची  तर दुसरी होती आपल्या प्रलंबित मागण्यासाठी ज्यात मुख्यत: आर्थिक  मागण्या प्रामुख्याने आहेत त्यांच्या पूर्ततेसाठी महाराष्ट्र राज्य परिवहन महामंडळाच्या कर्मचाऱ्यांचा संभाव्य संप हा 7 नोव्हेंबर पासून सुरू होत आहे ही. महाराष्ट्र एसटी महामंडळात या दोन बातम्या हेडलाईन्स होत असताना आपल्या शेजारच्या अर्थात गुजरात मध्ये सुद्धा एसटी महामंडळ विषयी  एक घडामोडी घडली. ती होती गुजरात राज्य परिवहन महामंडळ अर्थात गुजराती एस टी चा कर्मचाऱ्यांचा महागाई भत्यात दोन टक्क्यांची वाढ होत तो आता 60 टक्के झाल्याची. तसं वर बघायला गेल्यास अनेकांना महाराष्ट्र राज्याची एसटी आणि गुजराती एसटी यांची तुलना करणे अप्रस्तुत चुकीचे वाटेल  मात्र तसं नाहीये. आपल्या भारत सरकारने संसदेत 1956 साली सार्वजनिक वाहतूक परिवहन कायदा संमत केला त्यानंतर विविध राज्यात त्या त्या राज्यांच्या राज्य परि...

गेल्या सप्टेंबर महिन्यात 22 तारखेला एसटी महामंडळाकडून प्रवाशांना आरामदायी सुविधा देण्यासाठी व्होल्वो बस खरेदी करणार असल्याचे  जाहीर करण्यात आले होते. ही खरेदी प्रक्रिया सुरू झालेली असून याबाबत कंपनी निवडण्यात आलेली आहे हे प्रवाशांनाना 14 ऑक्टोबर रोजी व्होल्वो या कंपनीने स्वतःहून जाहीर केलेल्या प्रसिद्धकाद्वारे  समजले आणि एकच खळबळ उडाली. व्होल्वो बस कंपनीद्वारे प्रसिद्ध केलेल्या पत्रकानुसार महाराष्ट्र राज्य परिवहन महामंडळ अर्थात आपली एसटी महामंडळ व्होल्वो बस कंपनीकडून अत्याधुनिक 9600 मॉडेलच्या एकूण 200 खरेदी करणार आहे. त्यापैकी 170 या सीटर प्रकारातील बसेस असून 30बसेस या स्लीपर अधिक सीटर असणार आहेत. खाजगी आणि सार्वजनिक परिवहन सेवेचा विचार करता, एकदम 200 बसेसचे कॉन्ट्रॅक्ट आत्तापर्यंत व्होल्वो कंपनीला आपल्या भारतात कोणीही दिलेले नाही. त्या अर्थाने हा आपल्या  महामंडळाने एक पराक्रमच केलेला आहे असे म्हणता येईल.  मात्र हा पराक्रम कोणत्या स्थितीत केलेला आहे? याला अत्यंत महत्त्व आहे. या प्रत्येक बसची अंदाजित रक्कम इंटरनेटवर शोधली असता,  एक कोटी ती...

लालपरी एसटी बस महामंडळ विकणे आहे. अत्यंत बरोबर वाचत आहात. 9 ऑक्टोबर 2026 रोजी सायंकाळी पावणे पाचच्या सुमारास महाराष्ट्र राज्य सार्वजनिक परिवहन महामंडळ अर्थात आपल्या एसटी महामंडळाच्या अधिकृत फेसबुक पेजवर प्रसिद्ध केलेल्या पोस्टमुळे ही बाब उघड झाली आहे. पत्रकाचा विषय एसटी महामंडळाला आर्थिक दृष्ट्या संपन्न करण्याविषयी आहे. मात्र त्यासाठी जी उपाययोजना   पत्रकात सांगितली आहे ती बघता लालपरी एसटी महामंडळ विकणे आहे असेच म्हणावे लागेल.  अर्थात समाज माध्यमावर प्रसिद्ध करण्यात आलेल्या पत्रकामध्ये याचा अधिकृत उल्लेख नसला तरी रीडिंग बिटवीन लाईन्स समजणाऱ्या व्यक्तीला पत्रक वाचल्यावर ही बाब लगेच समजून येते.  दोन पानी  या पत्रकांमधील पहिल्या पानावरील शेवटचा चौथ्या क्रमांकावरील परिच्छेद  आणि दुसऱ्या पानावरील दुसऱ्या क्रमांकावरील परिच्छेद बघता हे सहज लक्षात येते. पहिल्यांदा दुसऱ्या पानावरील दुसरा क्र मांकाचा परिच्छेद बघूया त्यात सांगितले आहे.  महामंडळाच्या राज्यभरातील सुमारे ८५० ठिकाणी ३५०० एकरांपेक्षा अधिक जमीन उपलब्ध आहे. यातील मोठ्या प्रमाणाती...